मंगलवार १ असार, २०७८ (Tuesday June 15, 2021)

प्रधानमन्त्री ओलीलाई विरोध प्रदर्शन कस्तो हुन्छ हेर्न प्रचण्डको आग्रह  

बुधबार २८ माघ, २०७७ विचारवाटिका 1408


प्रधानमन्त्री ओलीलाई विरोध प्रदर्शन कस्तो हुन्छ हेर्न प्रचण्डको आग्रह  

 

माघ २८, काठमाडौं । नेकपा प्रचण्ड–माधव समूहले आयोजना गरेको जनसभामा सम्बोधन गर्दै अध्यक्ष प्रचण्डले विरोध प्रदर्शन कस्तो हुन्छ हेर्न प्रधानमन्त्री ओलीलाई आग्रह गरेका छन् ।

माघ ९ मा प्रतिनिधिसभा विघटनको विरोधमा प्रचण्ड–माधव समूहले गरेको सभामा ओलीले सभा भनेको कस्तो हुन्छ, माघ २३ गते देखाउने बताएका थिए । त्यसअनुसार ओली समूहले काठमाडौंमा शक्ति प्रदर्शन गरेको थियो । त्यसैको जवाफको लागि आज प्रचण्ड–माधव समुहले अर्को जनशक्ति प्रदर्शन देखाएको छ । 

आज गरेको प्रदर्शनमा ५ लाख मानिस सहभागी भएको भन्दै उनले भने, ‘केपीजी देख्नुभयो सभा कस्तो हुन्छ ? देख्नुभयो विरोध कस्तो हुन्छ ?’

अब सिंहदरबार र बालुवाटार घेर्न लाखौं जनता जम्मा पार्ने समेत चेतावनी दिए । प्रचण्डले आजको उपस्थितिले अदालतलाई पनि सहज भएको टिप्पणी गरे । ‘यो उपस्थितिले अदालतलाई सहज भएको छ । संविधानको पक्षमा लोकतन्त्रको पक्षमा फैसला गर्न’ प्रचण्डले भने ।




यसमा तपाइको मत

Captcha

सम्बन्धित शीर्षकहरु