शनिबार १ जेष्ठ, २०७८ (Saturday May 15, 2021)

च्याम्पियन्स लिगको क्वाटरफाइनलमा पुग्न सफल ८ टिम

बिहीबार ५ चैत्र, २०७७ विचारवाटिका 1225


च्याम्पियन्स लिगको क्वाटरफाइनलमा पुग्न सफल ८ टिम

चैत ५, काठमाडौं । युरोपका प्रतिष्ठित क्लब फुटबल प्रतियोगिता युरोपियन च्याम्पियन्स लिग २०२०–२१ को अन्तिम १६ अर्थात क्वाटरफाइनलमा पुग्ने ८ टिमको छिनोफोनो लागेको छ ।

बुधबार राति भएको खेलमा चेल्सी र बार्यन म्युनिख विजयी भएपछि यस सिजन क्वाटरफाइनल खेल्ने ८ वटै टोलीको   टुङ्गो लागेको हो ।

त्यसैगरी चेल्सीसँगै इंग्ल्याण्डबाट म्यानचेष्टर सिटी र लिभरपुलसहित सर्वाधिक ३ क्लब क्वाटरफाइनलमा पुगेका छन् । यस्तै जर्मनीबाट बार्यन र बोरुसिया डर्टमण्ड क्वाटरफाइनलमा पुग्न सफल भएका छन् ।

स्पानिस क्लबहरु बार्सिलोना, एट्लेटिको मड्रिड र सेभिया भने अन्तिम १६ बाटै बाहिरिए । स्पेनबाट सर्वाधिक १३ पटकको च्याम्पियन रियल मड्रिडमात्र क्वाटरफाइनलमा पुगेको छ । 

पोर्चुगलबाट एफसी पोर्टो र फ्रान्सबाट पेरिस सेन्ट जर्मने पीएसजी क्वाटरफाइनलमा पुगेका छन् । युरोपको शीर्ष पाँच लिगमध्ये इटालियन सिरी ए बाट भने कुनै टोली क्वाटरफाइनलमा पुग्न सकेनन् । अन्तिम १६ बाटै  इटालियन क्लब युभेन्ट्स, लाजियो र एटलान्टा बाहिरिएका हुन् ।

म्यानचेष्टर सिटी र पीएसजी बाहेक अरु क्वाटरफाइनल पुगेका ६ क्लब पूर्वविजेता समेत हुन् । गत सिजन पीएसजी फाइनल पुगेपनि बार्यनसँग पराजित भएको थियो । सिटीको उत्कृष्ट नतिजा २०१६ मा सेमिफाइनल पुग्नु थियो ।

अब स्वीट्जरल्याण्डको नियोनमा क्वाटरफाइनल र सेमिफाइनलका लागि शुक्रबार खेल हुनेछ । 

क्वाटरफाइनलको पहिलो लिगका खेलहरु अप्रिल ६\७ मा हुनेछ भने दोस्रो लेग अप्रिल १३\१४ मा हुनेछ ।

त्यसैगरी सेमिफाइनलको पहिलो लेगका खेलहरु अप्रिल २७\२८ मा हुनेछ भने दोस्रो ग मे ४\५ मा हुनेछ ।

फाइनल खेल मे २९ मा टर्कीको स्तानबुलस्थित आटाटुर्क ओलम्पिक स्टेडियममा हुनेछ ।




यसमा तपाइको मत

Captcha

सम्बन्धित शीर्षकहरु