फागुन २१ काठमाडौं, राष्ट्रिय सभामा निर्वाचित भएका १९ सदस्यहरुले आज शपथ ग्रहण गरेका छन् ।

राष्ट्रिय सभा अध्यक्ष गणेश प्रसाद तिमिल्सिनाले कानुन न्याय तथा मानव अधिकार समितिको कक्षमा आयोजित भएको समारोहमा सदस्यहरुलाई शपथ ग्रहण गराएर ब्याच वितरण गरेका छन् ।

राष्ट्रिय सभामा नेपाली कांग्रेसबाट ६, नेकपा माओवादी केन्द्रबाट ५, नेकपा एकीकृत समाजवादीबाट ५, नेकपा एमाले, जनता समाजवादी पार्टी र राष्ट्रिय जनमोर्चाबाट एक–एक जना सदस्य निर्वाचित भएका थिए । सरकारको सिफारिसमा राष्ट्रपतिबाट एक जना सदस्य मनोनित हुन बाँकी छ ।