शुक्रबार २७ माघ, २०७९
माघ २७ काठमाडौं, राष्ट्रपति विद्यादेवी भण्डारीले संघीय संसद्को संयुक्त बैठकलाई आज शुक्रबार सम्बोधन गर्दै हुनुहुन्छ ।
संघीय संसद् भवनमा दिउँसो ३ बजे बस्ने प्रतिनिधि सभा तथा राष्ट्रिय सभाको संयुक्त बैठकलाई राष्ट्रपति विद्यादेवी भण्डारीले सम्बोधन गर्नुहुने जनाइएको छ ।
संविधानको धारा ९५ बमोजिम आज दिउँसो ३ बजे संघीय संसद्को दुवै सदनको संयुक्त बैठकलाई सम्बोधन गर्न लाग्नुभएको हो । संविधानको धारा ९५ मा राष्ट्रपतिले संघीय संसद्को कुनै सदनको बैठक वा दुवै सदनको संयुक्त बैठकलाई सम्बोधन गर्न र त्यसका लागि सदस्यको उपस्थिति आह्वान गर्न सक्ने व्यवस्था रहेको छ ।
