बुद्ध एयरले निषेधाज्ञाका बीच नयाँ जहाज भित्राउँदै

बिहीबार ६ जेष्ठ, २०७८ विचारवाटिका 2367

जेठ ६, काठमाडौं । बुद्ध एयरले जहाज थपेको छ । कम्पनीको एटीआर ७२-५०० जहाज आज भारतको नयाँ दिल्लीबाट काठमाडौं आउँदैछ ।

यो जहाज साँझ साढे ६ बजे काठमाडौं आउने कार्यक्रम रहेको त्रिभुवन विमानस्थल कार्यालयले बताएको छ । कम्पनीका अनुसार जहाज खरिदको निणर्य निषेधाज्ञा भन्दा अगाडि नै भएको थियो ।

सोहीअनुसार बुद्ध एयरले क्षेत्रीय विमानस्थलहरुबाट अन्तर प्रदेश उडानको घोषणा समेत गरेको थियो ।

कम्पनीका एक उच्च अधिकारीले भने, ‘नयाँ जहाज ल्याएर पोखरा-विराटनगर, सिमरा, नेपालगन्ज, जनकपुरसहितका गन्तब्यमा उडानको योजना बनेको हो ।’

नयाँ जहाज थप भएसँगै अब कम्पनीसँग कुल जहाज संख्या १५ पुगेको छ । त्यसमध्ये एटीआर ७२ मात्र १० पुगेको छ ।