सोमबार २२ आश्विन, २०८०
असोज २२ काठमाडौं, इजरायलमा अप्ठ्यारोमा परिरहेका नेपालीहरुको तत्काल उद्धार गर्न नेकपा (एमाले)ले सरकारसँग माग गरेको छ ।
एमाले अध्यक्ष केपी शर्मा ओलीले आज वक्तव्य जारी गर्दै हमासले इजरायलमाथि गरेको आक्रमणको निन्दा गरेका छन् ।
घटनामा लर्न एण्ड अर्न योजना अन्तर्गत इजरायलको कृषि फर्ममा काम गर्न र सीप सिक्न गएका १० नेपालीहरुको मृत्यु भएकोमा दुखित रहेको उनले बताए ।
उनले मृतकप्रति श्रद्धान्जली व्यक्त गर्नुका साथै परिवारजनमा समवेदना व्यक्त गरेका छन् ।
