शुक्रबार २१ जेष्ठ, २०७८
जेठ २१, रामेछाप । कोभिड-१९ महामारी विरुद्दको अभियानका लागि जिल्ला युवा समिति रामेछापले स्वास्थ्य सामग्री सहयोग गरेको छ ।
जिल्ला युवा समिति रामेछापको पहलमा राष्ट्रिय युवा परिषदको तर्फबाट प्रमुख जिल्ला अधिकारी गौलोचन सैजुलाई स्वास्थ्य सामाग्री हस्तान्तरण गरिएको जिल्ला युवा समिति रामेछापका अध्यक्ष प्रकाश कुमार कार्कीले बताए ।
समितिले सर्जिकल मास्क १० हजार थान, स्यानिटाइजर ५० लिटर, फेस सिल्ड ३ सय थान र पीपीई सेट १ सय थान स्वास्थ्य सामग्री प्रमुख जिल्ला अधिकारी नेतृत्वको जिल्ला स्तरीय कोभिड-१९ संकट व्यवस्थापन केन्द्र (डीसीसीएमसी)लाई हस्तान्तरण गरेको छ ।
युवा परिषदका कार्यकारी उपाध्यक्ष माधब ढुङ्गेलको पहलमा स्वास्थ्य सेवा विभागबाट प्राप्त भएको सामाग्री स्वास्थ्य कार्यालय रामेछापमा हस्तान्तरण गरिएको युवा समिति रामेछापका अध्यक्ष कार्कीले बताए ।
विभागले स्वास्थ्य कार्यालयलाई पठाएका सामग्रीमा २ सय थान गाउन, १ सय थान एन९५ मास्क, २ हजार थान सर्जिकल मास्क, २ सय थान फेस सिल्ड, थर्मल गन ३ वटा र पञ्जा ५ सय जोर रहेका छन् ।
