सोमबार १७ माघ, २०७८
माघ १७, काठमाडौं । ललितपुर महानगरपालिकाले १२ वर्ष देखि १७ वर्ष सम्म उमेर समूहका बालबालिकाहरुलाई फाइजर खोपको दोस्रो डोज लगाइने भएको छ ।
ललितपुर महानगरले सूचना जारी गर्दै यही माघ २० देखि २५ गतेसम्म खोप लगाइने जानकारी दिएको छ । गत पुस २७ देखि २९ गतेसम्म पहिलो डोज लगाएका बालबालिकाले दोस्रो खोप पाउने महानगरले जनाएको छ ।
साबिकको खोप केन्द्र र विद्यालयमा बिहान साढे १० बजेदेखि बेलुका ४ बजेसम्म बालबालिकालाई खोप लगाइने भएकोले सबैलाई सहभागी हुन महानगरपालिकाले आग्रह गरेको छ ।
