कार्तिक १९, अछाम प्रतिनिधिसभा निर्वाचन क्षेत्र नम्बर १ का स्वतन्त्र उम्मेदवार महेन्द्रबहादुर बोगटी नेकपा (एमाले)मा प्रवेश गरेका छन् । एमाले प्रतिनिधिसभा सदस्य उम्मेदवार तथा जिल्ला इन्चार्ज रहेका झपट बोहराले बोगटीलाई स्वागत गरेका हुन् ।

 निर्वाचन प्रचार–प्रसारमा रहेका बोगटीले देशको परिवर्तन एमालेबाट मात्रै सम्भव रहेको भन्दै आफू एमालेमा प्रवेश गरेको बताए ।  उनले आफ्नो एजेन्डाहरू एमालेसँग मिल्दाजुल्दा  भएकाले आफू एमालेमा समाहित भएको बताए । 

विगतमा आफ्नो लागि मत मागिरहेको बताउँदै उनले आगामी दिनमा एमालेको उम्मेदवारलाई जिताउन लागिपर्ने बताए । स्वतन्त्र उम्मेदवार बोगटीलाई एमाले प्रवेश गराउँदै प्रतिनिधि सभा सदस्यको उम्मेदवार बोहराले एमालेको जित निश्चित भएको बताए ।