शनिबार १३ मंसिर, २०७७ (Saturday November 28, 2020)

बिहे गर्ने तयारीमा काजल

बुधबार २१ आश्विन, २०७७ विचारवाटिका 1304

 

 

साउथ चलचित्रकी एक चर्चित तथा सफल नायिका काजलले बिहे गर्ने तयारी गरेकी छिन् । 

कजलले अक्टुबर ३० मा बिहे गर्न लागेकी हुन् । उनले, व्यापारी गौतम किचलुसँग बिहे गर्न लागेको जानकारी सामाजिक संजाल मार्फत दिएकी छिन् ।

सामाजिक संजालमा काजलले उल्लेख गरे अनुसार, बिहे समारोहमा थोरै मात्र पाहुनाको उपस्थिती हुनेछन् । दुई परिवारका सदस्य मात्र उपस्थित हुने र बिहे समारोहलाई सामान्य बनाउने तयारी गरिएको छ ।

नायिका काजलले यो कोरोनाको महामारीको समयमा पनि आफूहरुले खुशीको पल सुरु गर्न लागेको भन्दै सबै जना यो खबरले खुशी हुने आशा व्यक्त गरेकी छिन् ।
काजलले १६ बर्ष अगाडि चलचित्र करिअर सुरु गरेकी थिइन् । साउथ र बलिउड चलचित्रमा काम गरेर सफलता पाएकी काजलको करिअर बैबाहिक जीवनपछि कसरी अगाडि बढ्छ, यो भने खुलाइएको छैन ।

साउथ चलचित्रमा सफल नायिकाको पहिचान बनाएकी काजलले बलिउड चलचित्र ‘सिंघम’मा काम गरेपछि चर्चा पाएकी थिइन् । 




यसमा तपाइको मत


सम्बन्धित शीर्षकहरु