अब सहुलियत मूल्यमा खाद्यान्न बिक्री नगर्ने

बुधबार ९ असार, २०७८ विचारवाटिका 2433

असार ९, काठमाडौं । निषेधाज्ञा खुकुलो भएसँगै सरकारी स्वामित्वका खाद्य व्यवस्था तथा व्यापार कम्पनी र साल्ट ट्रेडिङले खाद्यान्नमा उपभोक्ताहरुलाई दिंदै आएको छुट अब नदिने निणर्य गरेको छ ।

जेठ २० गतेदेखि उपभोक्ताहरुले खाद्य व्यवस्था तथा व्यापार कम्पनी र साल्ट ट्रेडिङको बिक्री केन्द्रहरुबाट चामल, नुन, तेल, चिनी, पिठो र खाना पकाउने एसटिसी ग्यास किन्दा २० प्रतिशत छुट पाउँदै आएका थिए ।

हालको स्थिति पहिलेको भन्दा सुधार भएको हुनाले छुट दिन बन्द गरिएको साल्ट ट्रेडिङ कर्पोरेसनका सहायक कार्यकारी अधिकृत पंकज जोशीले बताए ।

सरकारले आर्थिक वर्ष २०७८/७९ को बजेट वक्तव्यमा निषेधाज्ञाबाट समस्या परेकाहरुलाई दैनिक उपभोग्य वस्तुमा सहुलियत दिने घोषणा गरेको थियो ।