सोमबार २० भाद्र, २०७९
भदौ २० काठमाडौं, पर्यटनमन्त्री जीवनराम श्रेष्ठमाथि दुर्व्यवहार गरेको आरोपमा पक्राउ गरेका गुरुङ सेक्युरिटीका सुरक्षाकर्मी शेरजंग गुरुङलाई तत्काल थुनामुक्त गर्नुपर्ने माग राख्दै सर्वोच्च अदालतमा निवेदन दर्ता भएको छ ।
आफ्ना पतिलाई गैरकानुनी थुनामा राखिएको भन्दै लक्ष्मीले सर्वोच्चमा निवेदन दिएकी हुन् । उनको निवेदनमाथि भोलि प्रारम्भिक सुनुवाई हुनेछ ।
निवेदनमा पर्यटनमन्त्री जीवनराम श्रेष्ठ, पर्यटन मन्त्रालय, गृह मन्त्रालय, प्रहरी वृत्त दरबारमार्ग, जिल्ला प्रहरी परिसर काठमाडौं, जिल्ला प्रशासन कार्यालय अनि जिल्ला सरकारी वकिलको कार्यालय काठमाडौंलाई विपक्षी बनाइएको छ ।
