कार्तिक २६ काठमाडौं, चुनावको मुखमा सयौँ नेता तथा कार्यकर्ता विभिन्न पार्टी छाडि प्रवेश गरेका छन् । 

नेकपा एमाले रामेछाप–काठमाडौं सम्पर्क मञ्चले  आयोजना गरेको वृहत् जनसभामा नेता एवं कार्यकर्ता एमालेमा प्रवेश गरेका छन् । उहाँहरूलाई पार्टी स्थायी कमिटी सदस्य एवं वाग्मती प्रदेश कमिटी इन्चार्ज काशीनाथ अधिकारी, पोलिटब्युरो सदस्य कमल चौलागाईं, रामेछापबाट प्रतिनिधि सभा सदस्य उम्मेदवार कैलाशप्रसाद ढुङ्गेल पार्टी केन्द्रिय सदस्य माधव ढुङ्गेल, गीता कार्की, रामेछाप क प्रदेश उम्मेदवार शान्तिप्रसाद पौडेल, प्रदेश सभा ख का उम्मेदवार  मिलनकुमार घिसिङ लगायतले पार्टीमा स्वागत गरेका हुन् । 

 नेपाली कांग्रेसका नेता व्यवसायी राकेश तामाङ लगायत ३ सय ५० भन्दा बढी कांग्रेस र माओवादीका कार्यकर्ता एमाले प्रवेश गरेको पार्टी जिल्ला कमिटी उपसचिव प्रकाशकुमार कार्कीले जानकारी दिएका छन् ।