बुधबार १४ आश्विन, २०७७ (Wednesday September 30, 2020)

कर असुलीबारे अप्ठेरो नपार्ने प्रधानमन्त्री ओलीको आश्वासन 

सोमबार २२ भाद्र, २०७७ विचारबाटिका 1315

भदौ २२, काठमाडौं । कोरोना भाइरस संक्रमण बढ्दै गएसँगै उद्योग व्यवसाय ठप्प हुँदै गएपछि कर लिने समय बढाउन उद्योगी व्यवसायीले आग्रह गरिरहेकै बेला प्रधानमन्त्री केपी शर्मा ओलीले उद्योगी व्यवसायीहरुलाई उद्योग व्यवसाय समस्यामा फस्न नदिने बताउनु भएको छ । आइतबार निजी क्षेत्रका प्रतिनिधिहरुलाई बालुवाटारमा बोलाएर प्रधानमन्त्री ओलीले निजी क्षेत्रका समस्या समाधान गर्न सरकार तयार रहेको बताउनु भएको हो । सो अवसरमा प्रधानमन्त्री ओलीले उद्योगी व्यवसायीको सबै समस्याप्रति सरकार गम्भीर रहेको समेत बताउनु भएको छ । 

अर्थमन्त्री युवराज खतिवडाले राजीनामा आएसँगै अर्थमन्त्रालयको समेत जिम्मेवारी सम्हाल्नु भएका प्रधानमन्त्री ओलीले आइतबार निजी क्षेत्रसँग छलफल गर्नुभएको हो । सो छलफलका क्रममा प्रधानमन्त्री ओलीले सरकारले व्यवसायीको समस्या समाधानमा गम्भीरतापूर्वक ध्यान दिएको समेत बताउनु भयो । 
छलफलमा निवर्तमान अर्थमन्त्री डा. युवराज खतिवडा, राष्ट्र बैंकका गभर्नर महाप्रसाद अधिकारी, राष्ट्रिय योजना आयोगका उपाध्यक्ष डा. पुष्पराज कँडेल लगायत अन्य केही मन्त्रीहरु तथा निजी क्षेत्रका तर्फबाट नेपाल उद्योग वाणिज्य महासंघका पदाधिकारी, नेपाल उद्योग परिसंघका पदाधिकारी र नेपाल चेम्बर अफ कमर्शका पदाधिकारीहरुको सहभागिता रहेको थियो । 
 




यसमा तपाइको मत


सम्बन्धित शीर्षकहरु