शुक्रबार १९ मंसिर, २०७७ (Friday December 04, 2020)

अनलाइनबाट पनि सामान किन्न सकिने, आजबाट दशैं–तिहार लक्षित सुपथ मूल्य पसल खुल्यो

बिहीबार १५ आश्विन, २०७७ विचारवाटिका 1336

 

असोज १५, काठमाडौं । सरकारले आजबाट दशैं, तिहार र छठ पर्व लक्षित सुपथ मूल्य पसल सन्चालन गरेको छ । यस पसलमा अनलाइनमार्फत पनि सामान किन्न सकिने गरी व्यवस्था मिलाईएको छ । 

सुपथ मूल्यका पसलहरु आउँदो मंसिर ६ गतेसम्म सञ्चालन हुने छन् भने यस पसलमा केही रुपैयाँ छुटसहित दैनिक उपभोग्य वस्तुहरु किन्न पाइने छ । खाद्य व्यवस्था तथा व्यापार कम्पनी लिमिटेड र साल्ट ट्रेडिङ कर्पोरेशनका देशभर रहेका कार्यालय, डिपो, डिलर तथा घुम्ती पसलमार्फत् सुपथ मूल्य पसल सुरु गरिएको हो । 

काठमाडौं उपत्यकामा सिंहदरबार, टेकु, कालिमाटी, कोटेश्वर, सतुंगल, ललितपुर, भक्तपुरलगायत १६ स्थानमा सुपथ मूल्य पसल छन् । उपत्यकाबाहिर भने बनेपा, बिर्तामोड, विराटनगर, राजविराज, लहानलगायतका सहरहरुका ६५ स्थानमा सुपथ पसल सञ्चालन हुनेछन् ।

एकीकृत सहुलियत पसलमा बासमती चामल, गेडागुडी र कर्णालीको सिमीमा प्रतिकिलो १० रुपैयाँ, चामलमा प्रतिकिलो पाँच रुपैयाँ, नुनमा प्रतिकिलो दुई रुपैयाँ, छुट दिइएको छ । चिनीमा प्रतिकेजी पाँच रुपैयाँ छुट पाइने छ ।

त्यसैगरी उपभोक्ताहरुले डीडीसी घिउमा प्रति लिटर ३० रुपियाँ छुट पाउने छन् । खसी–बोका र च्यांग्र्रामा जिउँदो मूल्यमा प्रतिकिलो १० रुपैयाँ छुट दिइने मन्त्रालयले जनाएको छ । 
 




यसमा तपाइको मत


सम्बन्धित शीर्षकहरु