शनिबार १ जेष्ठ, २०७८ (Saturday May 15, 2021)

दिल्ली सरकारले कोरोनासँग लड्न माग्यो सेनाको सहयोग

मंगलवार २१ बैशाख, २०७८ विचारवाटिका 1193


दिल्ली सरकारले कोरोनासँग लड्न माग्यो सेनाको सहयोग

वैशाख २१, काठमाडौं । भारतको नयाँदिल्ली सरकारले कोरोना संक्रमणको महामारीसँग लड्नका लागि सेनाको सहयोग मागेको छ ।

दिल्ली सरकारले कोभिड केयर सुविधा र आइसियू युनिट्स सन्चालनका लागि सेनाको सहयोग मागेको हो । दिल्ली सरकारले सेनाको सहयोग माग्दै रक्षा मन्त्रालयमा पत्र पठाएको भारतीय मिडियाहरुले उल्लेख गरेका छन् ।

कोरोनाको दोस्रो लहरबाट नयाँदिल्ली बढी प्रभावित क्षेत्रमध्ये एक हो । कोरोना संक्रमणका बिरामीहरु दिनदिनै बढेपछि भारतको राजधानी नयाँदिल्ली आईसीयू बेड र अक्सिजनको कमीसँग जुधिरहेको छ ।

भारतमा विगत एक हप्तादेखि हरेक दिन तीन लाख भन्दा धेरै नयाँ संक्रमित भेटिरहेका छन् । दिल्लीमामात्रै दैनिक २० हजारभन्दा धेरै जनामा संक्रमण पुष्टि भइरहेको छ ।

दिल्लीका उपमुख्यमन्त्री मनिष सिसोदियाले भनेका छन्, ‘अक्सिजन ढुवानीका लागि एकदमै धेरै सहयोग आवश्यक छ । अक्सिजन वितरणका लागि सेनासँग ट्रक छ भने मद्दत गरोस् । रक्षा अनुसन्धान एवं विकास संगठन (डिआरडिओ)सँग पाँच सय बेडको उपचार केन्द्र छ । यस्तै केन्द्र अरु भइदिए पनि सहयोग हुन्थ्यो ।’




यसमा तपाइको मत

Captcha

सम्बन्धित शीर्षकहरु