जेठ १४, काठमाडौं । पहिलो डोज खोप लगाएका नागरिकलाई दोस्रो डोज खोप जसरी पनि व्यवस्था गर्ने प्रधानमन्त्री केपी शर्मा ओलीले बताएका छन् ।

उनले शुक्रबार देशवासीका नाममा सम्बोधन गर्दै पहिलो मात्रा खोप लगाएका ज्येष्ठ नागरिकलाई जसरी भए पनि खोप व्यवस्था गर्ने बताएका हुन् । सबै वयस्क नागरिकलाई कोरोना भाइरस विरुद्धको खोपको व्यवस्था गर्ने पनि उनले बताए ।

नेपालमा अनुदानमा ३२ लाख २८ हजार डोज खोप र खरिद गरेर १० लाख डोज खोप ल्याइएको उनले बताए ।