असार ३१, काठमाडौं । मन्त्रिपरिषदको बैठक आज दिउँसो २ बजे सिंहदरबारमा बोलाइएको छ ।

आज बस्ने बैठकमा नियमित एजेण्डाबारे छलफल हुने प्रधानमन्त्रीको सचिवालयले बताएका हुन् ।

कांग्रेसका सभापति शेरबहादुर देउवा पछिल्लोपटक प्रधानमन्त्री बनेपछि पहिलो पटक बसेको मन्त्रिपरिषद बैठकले कोरोनाविरुद्धको खोप लगाउन योग्य भएका सबै व्यक्तिलाई आगामी चैत मसान्तभित्र खोप लगाइसक्ने निर्णय गरेका थिए ।

त्यसका साथै देउवा सरकारले शान्ति सुव्यवस्था कायम, कोभिड–१९ को रोकथाम, नियन्त्रण र उपचार, आर्थिक समृद्धि, अर्थतन्त्रको पुनरुत्थान लगायत विषयलाई सरकारले पहिलो प्राथमिकतामा राखेको थियो ।