असार ३२ काठमाडौं, सत्तारुढ पाँच दलीय गठबन्धनका शीर्ष नेता उपेन्द्र यादवले भारतले नै गर्दा एमाले अध्यक्ष केपी शर्मा ओलीलाई प्रधानमन्त्रीको पदबाट हटाएको खुलासा गर्नुभएको छ ।

नेपाल चीन मैत्री समाजले आज काठमाडौंमा आयोजना गरेको एक कार्यक्रममा बोल्दै जनता समाजवादी पार्टी(जसपा)का अध्यक्ष यादवले केपी ओलीलाई सत्ताबाट हटाउन विदेशी शक्तिको प्रयोग गरेको खुलासा गर्नुभएको हो ।

पूर्वप्रधानमन्त्री ज्यू केपी ओलीजी यहाँ हुनुहुन्छ । म पनि उहाँको क्याबिनेटमा उपप्रधानमन्त्री थिएँ । म पूर्व भएको केही समयपछि उहाँ पनि पूर्व हुनु भइसकेछ । यसमा भूराजनीतिक प्रभाव पनि छ,’ यादवले भन्नुभयो ।

यादवको यस भनाईले भारतले नै सर्वाेच्च अदालतलाई समेत प्रभावमा पारी परमादेशबाट ओली सरकार हटाएर प्रधानमन्त्री शेरबहादुर देउवालाई बनाउन परमादेश जारी गर्नुका साथै पाँच दलीय गठबन्धन बनाइ दिएको पुष्टि भएको छ ।