भारत र चिनियाँ विदेशमन्त्रीबीच फोनवार्ता

शुक्रबार १४ फाल्गुन, २०७७ bicharbatika 1679

१४ फागुन, काठमाडौं ।
भारत र चीनका विदेशमन्त्री बीचमा फोनवार्ता भएको छ । भारतले दिएको जानकारीअनुसार दुवै मुलुक सीमाक्षेत्रबाट आफ्ना सैनिक फिर्ता गर्न सहमत भएपछि पहिलोपटक दुई मुलुकबीच उच्चस्तरीय वार्ता भएको हो ।

गत साता दुवै मुलुकले सीमाक्षेत्रबाट आफ्ना सैनिक फिर्ता गरेका थिए । भारतीय विदेशमन्त्री एस जयशंकर र चिनियाँ समकक्षी वाङ यीबीच भएको फोनवार्तामा उनीहरु सीमाक्षेत्रको तनाव अझै कम गर्दै लैजान सहमति भएको थियो । साथै आगामी दिनमा सैन्य सम्पर्क बढाउन हटलाइन सेवा स्थापनाको लागि पनि सहमति जुटेको थियो ।

भारतीय समाचार संस्था एएनआईका अनुसार उनीहरुबीच ७५ मिनेट वार्ता भएको थियो ।