बुधबार १४ आश्विन, २०७७ (Wednesday September 30, 2020)

प्रजातान्त्रिक योद्धा शिव कंगाललाई बीपी प्रतिष्ठानले ग¥यो आर्थिक सहयोग 

बिहीबार २५ भाद्र, २०७७ विचारबाटिका 1544

भदौ २५, काठमाडौं । जननायक बीपी कोइरालाको १०७ औं जन्म दिवसको सन्दर्भमा बीपी कोइराला प्रतिष्ठान रामेछापले प्रजातान्त्रिक आन्दोलनमा महत्वपूर्ण भूमिका निर्वाह गरेका प्रजातान्त्रिक योद्धा शिव कंगाललाई आर्थिक सहयोग गरेको छ ।

भक्तपुरको कौशलटारमा बसोबास गर्दै आएका कंगालको डेरामै पुगेर प्रजातान्त्रिक प्रतिष्ठानले कंगाललाई १५ हजार एकसय रुपैयाँ आर्थिक सहयोग हस्तान्तरण गरेको हो । सो कुराको जानकारी प्रतिष्ठानका कोषाध्यक्ष जीवन कार्कीले दिनुभयो ।

‘प्रजातान्त्रिक आन्दोलनमा लामो समय जेल र प्रवास जीवन बिताएका कंगालको आर्थिक अवस्था दयनीय छ’ प्रतिष्ठानका अध्यक्ष रामकृष्ण खड्काले वर्तमान अवस्थामा नेपालको राजनीति विकृति विसंगतीले भरिएको छ । आजको परिवर्तन जसका योगदानले सम्भव भयो उहाँहरुकै अवस्था दयनीय हुनु दुःखद कुरा हो भन्नुभयो । उहाँले कालो सिसाभित्र सयर गर्ने आलिशान बंगालाका मालिक सम्माननिय, माननीयहरुले विगत भुल्दा देशभरका योद्धाहरुको ठूलो अपमान भएकाले नै हामी शिव कंगाललाई सम्झेर यहाँ आएका हौं ।’

‘तपाईंहरुले मलाई सम्झेर आउनुभयो यो नै ठूलो ठान्छु’ शिव कंगाल भन्नुहुन्छ । ‘देशमा अहिले राजनीति छैन व्यापार छ । अपार पैसा बटुल्ने ब्यापार नै राजनीति बन्यो । युवाहरुले त्यसो नगर्नुस् सुधार्नपट्टि लाग्नोस’।

कंगाललाई आर्थिक सहयोग हस्तान्तरण गर्न नेपाली कांग्रेस रामेछापका सभापति लवश्री न्यौपाने, केन्द्रीय सुचना तथा प्रचार विभाग सदस्य मधुकर खनाल, नेताहरु विमल वाग्ले, घनश्याम श्रेष्ठ, नारायणकुमार खड्का, प्रतिष्ठानका महासचिव रत्नहरि ढुंगेल, नेविसंघ जिल्ला अध्यक्ष सुशील अधिकारी, कालिन्चोक फाउन्डेसनका अध्यक्ष दिनेश खड्का लगायतका महानुभावहरु पुग्नुभएको थियो ।




यसमा तपाइको मत


सम्बन्धित शीर्षकहरु