शनिबार १३ मंसिर, २०७७ (Saturday November 28, 2020)

नेपाल एयरलाइन्सलाई विमानस्थलको ग्राउन्ड ह्यान्डलिङ दिन छलफल

सोमबार १२ आश्विन, २०७७ विचारवाटिका 1306

असोज १२, काठमाडौं । नेपाल एयरलाइन्सलाई सरकारले भैरहवामा निर्माणाधीन गौतमबुद्ध अन्तर्राष्ट्रिय विमानस्थलमा ग्राउन्ड ह्यान्डलिङ सुविधा तत्कालका लागि दिने तयारी गरेको छ । त्यसर्थ यस प्रयोजनका लागि नेपाल एयरलाइन्सका कार्यकारी अध्यक्ष सुशील घिमिरेले जानकारी दिए अनुसार संस्कृति, पर्यटन तथा नागरिक उड्डयन मन्त्रालय र नेपाल नागरिक उड्डयन प्राधिकरणसँग प्रस्ताव गरिएको बताए । 

उनले भने, ‘एकरदुई चरण छलफल भइसकेको छ, विमानस्थल तत्काल प्राधिकरणबाटै सञ्चालन हुने अवस्थामा ग्राउन्ड ह्यान्डलिङ नेपाल एयरलाइन्सलाई नै दिन प्रस्ताव गरेका छौँ ।’ 

निजी पार्टीको जिम्मा सरकारले गौतमबुद्ध विमानस्थल व्यवस्थापनलाई दिने बताएको थियो । तर, कोरोना भाइरसको महामारीपछि तत्काल निजी पार्टी आउने सम्भावना भने छैन । सोहीकारण अहिले प्राधिकरणबाटै विमानस्थलको व्यवस्थापन हुनेछ । 

कार्यकारी अध्यक्ष घिमिरेले बताए अनुसार कम्पनीसँग त्रिभुवन विमानस्थलमा ग्राउन्ड ह्यान्डलिङ सेवाको लामो अनुभव, दक्ष कर्मचारी र उपकरण समेत रहेका कारण नयाँ विमानस्थलमा सेवा बिस्तार गर्न समस्या हुने छैन । उनले भने, ‘हामीसँग अनुभव छ, त्यसलाई नयाँ विमानस्थलमा बिस्तार गर्ने हो ।

उनले बताए, विमानस्थल व्यवसायिक रुपमा सञ्चालनमा आउनुभन्दा केही अगाडी नै टुंगो लगाउन प्रस्ताव गरेको जनाइएको छ । 

उनले भने, ‘उपकरण खरीद गर्नुपर्यो, केही कर्मचारी भर्ना पनि गर्नुपर्ला, त्यसका लागि अग्रिम रुपमै ग्राउन्ड ह्यान्डलिङ प्राप्तिको प्रक्रिया टुंग्याउन आग्रह गरेका छौं ।’ ग्राउन्ड ह्यान्डलिङ सेवा प्रदायकको जिम्मेवारी भित्र विमानस्थलमा यात्रुलाई जहाजमा चढाउने, ओलार्ने, जहाज सफा गर्ने, ब्यागेज व्यवस्थापन, ¥याम्प बसको व्यवस्थासमेत पर्छ ।




यसमा तपाइको मत


सम्बन्धित शीर्षकहरु