मंगलवार १ असार, २०७८ (Tuesday June 15, 2021)

प्रधानमन्त्री ओली आज झापा र मोरङ जाने

मंगलवार १८ फाल्गुन, २०७७ bicharbatika 1221


प्रधानमन्त्री ओली आज झापा र मोरङ जाने

 

१८ फागुन, काठमाडौं । 
प्रधानमन्त्री केपी शर्मा ओली आज गृहजिल्ला झापा जाँदैछन् । दुई दिन अघिमात्रै  ओलीले झापामा नेपाल–चीन मैत्री औद्योगिक पार्क शिलान्यास गरेर फर्किएका थिए ।

आज फेरि विर्तामोडस्थित पूर्वाञ्चल क्यान्सर अस्पतालको उदघाटन गर्न ओली झापा जान लागेको उनको सचिवालयले जनाएको छ । दुर्गा प्रसाईंले सन्चालन गरेको क्यान्सर अस्पताल तीन सय शैया क्षमताको छ ।
ओलीले आजै विर्तामोड नगरपालिका–७ मा विपन्न परिवारका लागि निर्मित एकीकृत वस्ती पनि उदघाटन गर्ने कार्यक्रम तय भएको छ । विर्तामोड नगरपालिकाका मेयर ध्रुव कुमार शिवाकोटीका अनुसार प्रधानमन्त्री ओलीले ३५ परिवारलाई घर हस्तान्तरण गर्ने छन् । 

झापापछि प्रधानमन्त्री ओली मोरङको उर्लाबारी पनि जाने कार्यक्रम छ । उर्लाबारीमा सन्थाल जातीको एकीकृत बस्ती शिलान्यास गर्ने कार्यक्रम तय भएको छ ।

संसद पुनःस्थापनापछि आफू झन् बलियो बनेको बताउने गरेका ओलीको  देश दौडाहा बढेको छ । उदघाटन, शिलान्यास लगायतका कार्यक्रमका लागि उनी व्यस्त हुने गरेका छन् । हिजो मात्रै प्रधानमन्त्री ओली पोखराका बिभिन्न कार्यक्रममा सहभागी भएर फर्किएका थिए ।




यसमा तपाइको मत

Captcha

सम्बन्धित शीर्षकहरु