पहिलो दिन ५ वटा राजनीतिक दल दर्ता

आईतवार २२ श्रावण, २०७९ विचारवाटिका 2339

श्रावण २२, काठमाडौं । निर्वाचन आयोगमा पहिलो दिन ५ वटा राजनीतिक दल दर्ता भएका छन् ।

आगामी मंसिर ४ गते हुने संघ र प्रदेशसभा सदस्‍यको निर्वाचनमा भाग लिन आयोगले दल दर्ताको लागि आह्वान गरेको थियो । पहिलो नम्बरमा सीके राउत नेतृत्वको जनमत पार्टी दर्ता भएको आयोगका प्रवक्ता शालिग्राम शर्मा पौड्यालले बताए । यस्तै दोश्रो नम्बरमा मौलिक जरोकिलो पार्टी दर्ता भएको छ भने क्रमशः नेपाल समावेशी पार्टी, हाम्रो नेपाली पार्टी र पुनर्जागरण पार्टी नेपाल दर्ता भएको आयोगले जनाएको छ ।