असोज १७  काठमाडौं, काठमाडौँ उपत्यकाबाट गत वर्षभन्दा झन्डै दोब्बर यात्रु यस वर्ष बाहिरिएका छन् । यहि महिनामा अहिलेसम्म झन्डै १७ लाख उपत्यकावासी दशैं मनाउन आ–आफ्नो घर गएका छन् ।

कोभिड १९का कारण दशैं मनाउन काठमाडौँ उपत्यका बाहिर जानेको सङ्ख्खा कम हुने गरेकामा यो वर्ष ह्वात्तै बढेको हो । यातायात व्यवसायी महासङ्घ नेपालका अध्यक्ष विजय स्वाँरका अनुसार उपत्यकाबाट बाहिरका जिल्लाहरूमा जाने सबैभन्दा बढी नागरिकले सार्वजनिक यातायातको नै प्रयोग गरिरहेको बताए । अहिलेसम्म १७ लाखको हाराहारीमा नागरिकले उपत्यका छाडेका छन् भने विजया दशमीको दिनसम्ममा अझै दुई लाखले उपत्यका छाड्ने अनुमान गरिएको छ । उनले भने, ‘विभिन्न कारणले जान नपाएकाहरू पनि भोलि र पर्सिसम्म जानुहुन्छ ।’