मंगलवार १ असार, २०७८ (Tuesday June 15, 2021)

ट्रायल पास गरेको १ वर्षसम्म स्मार्ट लाइसेन्सको साटो क्यूआर कोडसहित कार्ड दिने तयारी

बिहीबार १९ चैत्र, २०७७ विचारवाटिका 1266


ट्रायल पास गरेको १ वर्षसम्म स्मार्ट लाइसेन्सको साटो क्यूआर कोडसहित कार्ड दिने तयारी

चैत १९, काठमाडौं । चालकले ट्रायल पास गरेको एक वर्षसम्म परीक्षण कालको रुपमा बिताउनुपर्ने भन्दै सरकारले छुट्टै सवारी चालक अनुमतिपत्र (लाइसेन्स) जारी गर्ने भएको छ । 

एक वर्षका लागि विभागका महानिर्देशक नमराज घिमिरे क्विक रेस्पोन्स (क्यूआर) कोडसहितको परीक्षणकालीन लाइसेन्स जारी गरिने बताउँछन् । ‘अब आगामी जेठदेखि ट्रायल पास भएको एक वर्षपछि मात्रै स्मार्ट लाइसेन्स दिन्छौं,’ उनले भने,’त्यसको चार वर्षपछि चालकले फेरि लाइसेन्स नवीकरण गराउनुपर्छ ।’ 

ट्राफिक प्रहरीले क्यूआर कोडबाट सडकमा लाइसेन्स सक्कली हो वा नक्कली हो भनेर पुष्टि गर्नसक्ने घिमिरेले बताए ।

महानिर्देशक घिमिरेले भने, ‘एक वर्षभित्र परीक्षणकालीन लाइसेन्स ५ भन्दा बढी प्वाल परेमा स्मार्ट लाइसेन्स दिँदौनौं ।’ 

यातायात विभागले लाइसेन्सको मागअनुसार छपाइको व्यवस्था पनि गर्न सकेको छैन । त्यसर्थ अहिले धेरै चालकहरु कर तिरेको रसिद बोकेर हिँड्न बाध्य छन् ।

क्यूआर कोडसहितको परीक्षणकालीन लाइसेन्स जारी गरेपछि आफू लाइसेन्सविहीन भएर सवारी चलाउनुपरेको भन्दै हुने गुनासो पनि घट्ने महानिर्देशक घिमिरे बताउँछन् ।
 




यसमा तपाइको मत

Captcha

सम्बन्धित शीर्षकहरु