आईतवार १९ मंसिर, २०७८ (Sunday December 05, 2021)

राष्ट्रपति भण्डारीले दिए जितिया पर्वको शुभकामना

बुधबार १३ आश्विन, २०७८ विचारवाटिका 1192


राष्ट्रपति भण्डारीले दिए जितिया पर्वको शुभकामना

असोज १३, काठमाडौं । राष्ट्रपति विद्यादेवी भण्डारीले तराईमा मनाइने जितिया पर्वको अवसरमा देश विदेशमा रहेका सम्पूर्ण नेपालीहरूलाई शुभकामना दिनुभएको छ ।

शुभकामना सन्देश जारी गर्दै राष्ट्रपति भण्डारीले भौगोलिक‚सामाजिक र सांस्कृतिक विविधतायुक्त मुलुकमा मनाइने यस्ता पर्वहरूले परिवार र समुदायमा आपसी प्रेम‚ विश्वास र सहयोगको भावनालाई प्रगाढ बनाउनुका साथै बृहत् राष्ट्रिय एकतालाई थप सुदृढ बनाउन मद्दत पुग्ने विश्वास व्यक्त गरेकी छन् ।


साथै यस पर्वबाट समाजमा विद्यमान अन्धविश्वास‚ विभेद र हिंसालाई अन्त्य गर्दै सभ्य‚ सुसंस्कृत एवं समतामूलक समाज निर्माणका लागि अग्रसर हुन प्रेरणा मिलोस् भनी राष्ट्रपति भण्डारीले कामना गरेकी छन् ।

प्रत्येक वर्ष आश्विन कृष्ण पक्षको अष्टमी तिथिको दिन मधेशी तथा थारु महिलाहरूले सन्तानको सुख‚ शान्ति‚ आरोग्य र चिरायुको कामना गर्दै निराहार कठोर व्रत बसी लोक देवता जिमुतवाहनको कथा सुन्ने एवं नाचगान गरी रमाइलोसँग मनाउने परम्परा रहेको छ ।
नेपालको तराई क्षेत्रमा बसोबास गर्ने मधेशी तथा थारु समुदायका महिलाहरूले जितीयालाई आफ्नो सन्तानको सुख र समृद्धिका निमित्त मनाइने एउटा महत्त्वपूर्ण पर्व हो ।




यसमा तपाइको मत

Captcha

सम्बन्धित शीर्षकहरु