शनिबार २६ चैत्र, २०७८
चैत २६, सुदूरपश्चिम प्रदेश सरकार पुर्नगठन गरेको प्रति जनता समाजवादी पार्टी (जसपा)ले असन्तु्ष्टि जनाएको छ ।
सत्तारुढ गठबन्धनमा आवद्ध भएपनि प्रदेश सरकारको पुनर्गठनका क्रममा आफूहरुलाई वास्ता नगरेको भन्दै जसपाले आपत्ति जनाएको छ ।
अन्य दलले अपमान गरेको र केन्द्रीय सहमतिअनुसार अगाडि नबढेको भन्दै जसपाले गठबन्धनबाट बाहिरिने चेतावनी दिएको छ ।
कुनै जानकारी नदिएर कांग्रेसलाई प्रदेश सरकारमा सहभागी गराएकोमा हाम्रो पार्टीको अपमान गरिएको महसुस भएको जसपाका प्रदेश समिति अध्यक्ष कृष्णकुमार चौधरीले बताए । धनगढीमा आयोजित पत्रकार सम्मेलनमा चौधरीले भने, ‘केन्द्रीय सहमतिअनुसार अगाडि बढेको खण्डमा मात्र सहमति हुनसक्छ । अन्यथा हामी गठबन्धनमा बस्दैनौँ ।’
