सोमबार ५ बैशाख, २०७९
बैशाख ५, कर्णाली प्रदेशमा सत्ता गठबन्धन दलहरुबीच तालमेलमा समस्या देखिएकोले सुल्झाउनका लागि एक दिन समय थप गरिएको छ । कर्णाली प्रदेशको राजधानी वीरेन्द्रनगरमा आज बसेको पाँच दलीय गठबन्धन संयन्त्रको बैठकले उक्त निर्णय गरेको हो ।
गठबन्धनभित्रको समस्या समाधान गरेर भोलिसम्म प्रदेश कमिटीमा पठाउन निर्देशन दिइएको नेकपा माओवादी केन्द्र कर्णाली प्रदेशका अध्यक्ष बिमला केसीले बताइन् ।
‘गठबन्धन गर्ने, नगर्ने भनिएका सबै जिल्लास्तरीय गठबन्धन संयन्त्रलाई एक दिने समय दिएका छौं’ अध्यक्ष केसीले अनलाइनदखबरसँग कुरा गर्दै भनिन्, ‘जिल्लाले समस्या नसुल्झाए प्रदेशले सुल्झाउँछ, गठबन्धन टुट्दैन ।’
