शुक्रबार ३१ भाद्र, २०७९
भाद्र ३१ काठमाडौँ, साफ वुमेन्स च्याम्पियनसिप -२०२२ को फाइनल नेपाल र बंगलादेशबीच हुने भएको छ । दशरथ रंगशालामा भएको दोस्रो सेमिफाइनल खेलमा भारतलाई १–० ले हराएर नेपाल फाइनलमा पुगेको हो ।
इतिहासमा पहिलो पटक भारत सेमिफाइनलबाट बाहिरिएको हो । नेपालले भने पाँचौँपल्ट फाइनल खेल खेल्नेछ ।
भारतको यो लगातार दोस्रो हार हो । यस अगाडि भारत लिग चरणमा बांग्लादेशसँग पनि पराजित भएको धियो । भारत यस अगाडिका सबै संस्करणको विजेता हो ।
साफ च्याम्पियनसिपको इतिहासमै भारतमाथि नेपालको यो पहिलो जित हो । समग्रमा नेपालले भारतलाई हराएको दोस्रो पल्ट हो । यस अगाडि सन् २०१९ को हिरो गोल्डकपमा पराजित गरेको थियो ।
