कार्तिक २२ काठमाडौं, अखिल नेपाल फुटबल संघ (एन्फा) को कार्यसमिति बैठक कार्तिक २९ गते बस्ने भएको छ ।

राष्ट्रिय लिग र शहीद स्मारक लिगसहित विभिन्न ९ एजेण्डामा छलफल गर्ने यहि कात्तिक २९ गते एन्फाको कार्यसमिति बैठक बोलाइएको हो ।

एन्फाका महासचिव किरण राईले आज कार्यसमिति पदाधिकारी र सदस्यलाई कार्यसमिति बैठक बस्ने विवरण सहित पठाएको पत्रमा विविधसहित ९ वटा एजेण्डा समावेश गरेका छन् ।

एक महिना अगाडि नै कार्यसमितिका १२ जनाले कार्यसमित बैठकको माग गर्दै एन्फामा निवेदन दर्ता गराएका थिए । तर त्यसको एक महिनापछि मात्र कार्यसमिति बैठक बस्ने भएको छ ।

सो बैठकमा मार्केटिङ, ब्रोर्डकाष्टिङ, डिजिटल राइट्स, कमर्सियल स्ट्राटिजी र पार्टनरसिप सम्बन्धी, एन्फा होस्टलको क्यान्टिन भाडामा दिने,  एन्फाको प्रतिनिधित्वका विषयमा छलफल हुने छ ।