मंगलवार २९ कार्तिक, २०७९
कात्तिक २९ वीरगञ्ज, छिमेकी मुलुक भारतसँग सीमा जोडिएको पर्सा जिल्लाका सम्पूर्ण सीमा नाका यहि मंसिर १ गतेदेखि बन्द हुने भएको छ ।
आगामी मंसिर ४ गते हुने प्रतिनिधिसभा तथा प्रदेशसभा सदस्य निर्वाचनलाई लक्षित गर्दै १ गतेदेखि सीमा नाका बन्द गर्न लागिएको हो ।
पर्साका प्रमुख जिल्ला अधिकारी उमेश कुमार ढकालले सूचना जारी गर्दै निर्वाचनलाई स्वतन्त्र, निष्पक्ष एवं भयरहित वातावरणमा सम्पन्न गर्न सीमा नाका बन्द गर्ने निर्णय गरिएको जानकारी दिएका छन् ।
मंसिर १ गते रातको १२ बजेदेखि मंसिर ४ गते राति १२ बजेसम्म सम्पूर्ण सीमा नाका बन्द रहने उनले बताएका छन् ।