मंसिर ७ झापा, नेकपा (एमाले)का अध्यक्ष केपी शर्मा ओली सत्ता गठबन्धनका उम्मेदवारलाई  ठूलो मतान्तरमा पराजित गर्दै प्रतिनिधिसभा सदस्यमा निर्वाचित भएका छन् ।

  २८ हजार भन्दा बढी मतले पछि पार्दै झापा ५ बाट निर्वाचित भएका हुन् । भर्खरै सम्पन्न मतगणनाको अन्तिम परिणाम अनुसार एमाले अध्यक्ष ओलीले ५२ हजार ३१५ मत प्राप्त गरेका हुन् ।

उहाँसँग प्रतिस्पर्धा गर्नुभएका सत्ता गठबन्धनका तर्फबाट नेपाली कांग्रेसका उम्मेदवार खगेन्द्र अधिकारीले २३ हजार ७४१ मत मात्र पाउनु भएको छ । ओलीले पाउनु भएको मत अधिकारीले पाउनु भएको मत भन्दा २८ हजार ५७४ बढी हो । ओलीले प्राप्त गरेका मत यो निर्वाचनमा अहिलेसम्म सबैभन्दा बढी मत हो ।