बिहीबार २९ मंसिर, २०७९
मंसिर २९ काठमाडौं, निर्वाचन आयोगले प्रतिनिधिसभा र प्रदेशसभा सदस्य निर्वाचन सफलतापूर्वक सम्पन्न भएका अवसरमा आउँदो पुसको ४ गते जलपान कार्यक्रमको आयोजना गर्ने भएको छ ।
प्रवक्ता शालिग्राम शर्मा पौडेलका अनुसार निर्वाचन आयोगको प्राङ्गणमा अपराह्न १ः३० बजेका लागि जलपान कार्यक्रम आयोजना गरिने बताएका छन् ।
कार्यक्रममा राष्ट्रपति, उपराष्ट्रपति, प्रधानमन्त्रीसहित अतिविशिष्ट पदाधिकारी, मन्त्री, पूर्वप्रधानमन्त्री, राजनीतिक दलका नेता, सुरक्षा अङ्गका प्रमुख, कूटनीतिक नियोगका प्रमुख तथा प्रतिनिधि लगायतलाई आमन्त्रण गरिएको उनको भनाइ रहेको छ ।
