चैत १८ काठमाडौं, र्वतमान प्रधानमन्त्री शेरबहादुर देउवा ५० सदस्यीय टोलीको नेतृत्व गर्दै आज दिउँसो भारतको औपचारिक भ्रमणमा जाँदै छन् । 
प्रधानमन्त्री देउवा आज नेपाली टोलीको नेतृत्व गर्दै तीन दिने भारतीय भ्रमणका लागि राजधानी नयाँ दिल्ली प्रस्थान गर्नेछन् । यस भ्रमण टोलीमा चार मन्त्रीसहित ५० सदस्य रहेको परराष्ट्र मन्त्रालय स्रोतले जनाएका छन् । परराष्ट्र, ऊर्जा, कृषि र स्वास्थ्यमन्त्री लगायत ५० सदस्य भ्रमणका लागि जानेछन् ।

प्रधानमन्त्री देउवाले द्विपक्षीय हित, सहयोग अभिवृद्धि लगायतका विषयमा भारतीय पक्षसँग छलफल गर्ने छन् । भारतसँग रासायनिक मलको सहज आपूर्ति, बिजुली आयात–निर्यात, सीमा विवाद लगायतका विषयमा छलफल गर्ने तयारी छ । यद्यपि परराष्ट्र मन्त्रालयले भ्रमणको एजेण्डा सार्वजनिक गरेको छैन ।