शनिबार १३ मंसिर, २०७७ (Saturday November 28, 2020)

वीर अस्पतालका स्वास्थ्यकर्मी र कर्मचारीमा कोरोना संक्रमण बढ्दै

बुधबार १७ भाद्र, २०७७ विचारवाटिका 1355

भदौ १७, काठमाडौं । नेपालमा समुदायस्तरमा कोरोना भाइरस संक्रमण बढ्दै गइरहेको अवस्थामा स्वास्थ्यकर्मीहरुमा समेत कोरोना भाइरस संक्रमणको दर बढ्दै गइरहेको छ । यही क्रममा राजधानी काठमाडौंको केन्द्रविन्दूमा रहेको र मुलुककै सबैभन्दा पूरानो र ठूलो अस्पतालका रुपमा रहेको वीर अस्पतालमा कार्यरत स्वास्थ्यकर्मी र कर्मचारीहरुमा समेत धमाधम कोरोना भाइरस संक्रमण देखिएको छ । 

राजधानीको मुटुमा रहेको, सरल र सस्तोमा उपचार हुने र निम्न आयस्तरका मानिसहरुले उपचार गराउने यो अस्पताललाई सरकारले कोभिड–१९ संक्रमित विरामीहरुको समेत उपचार गरिने अस्पतालका रुपमा परिणत गरेपछि त्यहाँ कार्यरत डाक्टर, नर्स, स्वास्थ्यकर्मी तथा कर्मचारीहरुमा समेत संक्रमण देखिएको हो । मंगलबारमात्रै सो अस्पतालमा कार्यरत स्वास्थ्यकर्मी र कर्मचारीहरुसमेत ७१ जनालाई कोरोना संक्रमण पुष्टि भएको छ । सोही संक्रमणका कारण आज र भोलि दुई दिनसम्म वीर अस्पतालको ओपिडी सेवा बन्द गरिएको सूचना प्रकाशित गरिएको छ । सूचनामा इमर्जेन्सी, अस्पतालमा भर्ना भएका विरामीहरुलगायतको उपचार प्रक्रिया भने यथावत रहेको सूचनामा जनाइएको छ । 

यता कोभिडको उपचारका लागि वीर अस्पताललगायत अन्य विभिन्न अस्पतालहरुलाई कोरोना अस्पतालको रुपमा रुपान्तरण गरेसँगै स्वास्थ्यकर्मीहरुले आपत्ति जनाएका छन् । उनीहरुले कोरोना संक्रमित विरामीहरुलाई छुट्टै उपचारको बन्दोबस्त गर्नुपर्ने अन्यथा स्वास्थ्यकर्मीहरुसमेत संक्रमित हुनसक्ने खतरा रहेको भन्दै समयमै सचेत हुन नसक्ने हो भने यसले भयावह रुप लिनसक्ने सम्भावनातर्फ समेत समयमै सचेत रहन ध्यानाकर्षण गराएका छन् ।


 




यसमा तपाइको मत


सम्बन्धित शीर्षकहरु