बुधबार १४ आश्विन, २०७७ (Wednesday September 30, 2020)

सिन्धुपाल्चोकमा फेरि गयो भिषण पहिरो

आईतवार २८ भाद्र, २०७७ विचारबाटिका 1303

भदौ २८, काठमाडौं । प्राकृतिक प्रकोपका कारण बेलाबेलामा धनजनको क्षति व्यहोर्दै आएको सिन्धुपाल्चोक जिल्लामा गएराति फेरि पहिरोले ठूलो विपत्ति सिर्जना गरेको छ । 

सिन्धुपाल्चोकको बाह्रबिसे नगरपालिका–७ का तीन स्थानमा गएराति पहिरो जाँदा कम्तीमा २८ जना बेपत्ता भएका छन् । बेपत्ता भएकामध्ये ३ जनाको शव फेला परेका छन् । 

पहिरो गएको स्थानमा खोजी गर्दा नागपुजेकी ६५ वर्षीया भक्तिमाया श्रेष्ठ, भिरखर्कको विक टोलकी २३ वर्षीया जुनुमाया विक र नेवार टोलकी ६० वर्षीया सर्किनी नेवारको शव फेला परेको जिल्ला प्रहरी कार्यालय सिन्धुपाल्चोकका डिएसपी प्रकाश सापकोटाले जानकारी दिनुभएको छ । 

गएराति भारी वर्षासँगै गएको पहिरोले बाह्रबिसे नगरपालिका–७ मा पर्ने घुम्थाङको नागपुजे, भिरखर्क र नेवार टोलका घरहरु पुरेको डिएसपी सापकोटाले बताउनु भयो । सापकोटाका अनुसार हालसम्म ११ वटा घरमा क्षति पुगेको बताइएको छ । 

घटनास्थलमा बिहानैदेखि नेपाली सेना, सशस्त्र प्रहरी र नेपाल प्रहरीको उद्दार टोली परिचालित भएर उद्दार कार्यमा जुटिरहेको छ । त्यसैगरी स्थानीयवासीहरु समेत उद्दार कार्यमा जुटेका छन् । 
 




यसमा तपाइको मत


सम्बन्धित शीर्षकहरु