बिहीबार ६ कार्तिक, २०७७ (Thursday October 22, 2020)

‘फेरि बन्द नहुने गरी चिनियाँ नाका खोल्ने प्रयास हुँदैछ’

बिहीबार ८ आश्विन, २०७७ विचारबाटिका 1350

 

राज्यमन्त्री दुगडः प्याजको समस्या पनि समाधान हुन्छ 

असोज, ८ काठमाडौं । चिनियाँ नाकामा देखिएको समस्या दीर्घकालीन समाधानको लागि प्रयास भइरहेको उद्योग, वाणिज्य तथा आपुर्ति राज्यमन्त्री मोतिलाल दुगडले बताएका छन् । उनका अनुसार केहि समयदेखि बन्द नाका चाडोभन्दा चाडो पूर्ण रुपमा सञ्चालन हुनेछ । 

उनले भने ‘रसुवागढी, केरुङ र तातोपानी सबै नाका खुलाउनका लागि हामीले उच्चस्तरमा छलफल गरिरहेका छौं अब चाडै नाकाबाट सामानहरु पूर्ण रुपमा आउन थाल्छन्, नाका खुलेपछि पुनः बन्द नहोस् भनेर पनि छलफल भइरहेको छ ।’

कोरोना (कोभिड–१९) महामारीको कारण देखाउँदै १० महिना यता चिनियाँ नाका बन्द रहेका छन् । नाका बन्द हुँदा नेपाली व्यापारीहरुले मगाएका १२ सय भन्दा धेरै कन्टेनरहरु नाकामै रोकिएका छन् । व्यपारीहरुको अनुसार लामो समयदेखि नाकामा सामान रोकिँदा कतिपय सड्ने, गल्ने अवस्थामा पुगिसकेको छ ।

चैत(वैशाखको गर्मीका लागि भनेर व्यवसायीले ल्याएको एक अर्ब हाराहारीको लत्ताकपडा बाटोमै छ । पछिल्लो समय व्यवसायीहरुले सामान नाकामै रोकिए पछि सामान छुटाएर नाका सहज बनाइदिन सरकारसँग माग गर्दै आएका छन् ।

नाका सहज बनाइदिन आग्रह गर्दै नेपाल राष्ट्रिय व्यवसायी महासंघले परराष्ट्र मन्त्री, उद्योग, वाणिज्य तथा आपूर्तिमन्त्री, सरकारका अधिकारीहरु तथा सत्ता पक्ष तथा प्रतिपक्ष दलका नेताहरुलाई समेत भेटेर ध्यानाकर्षण गराएका थिए । राज्यमन्त्री दुगड आफैं पनि उद्योगी(व्यवसायी हुन् ।

भारतले प्याज निर्यात नगर्दा नेपालमा प्याजको मूल्य अत्यधिक महंगिएको छ । प्याजको समस्या पनि चाँडोभन्दा चाडो समाधान होस भनेर आफूले छलफल गरिरहेको राज्य मन्त्री दुगडले बताए ।




यसमा तपाइको मत


सम्बन्धित शीर्षकहरु