बैशाख ७, काठमाडौं । कोभिड–१९का कारण लामो समयसम्म बन्द भएका पार्टी प्यालेस व्यवसाय भर्खर आफ्नो गतीमा फकिर्न लागेको थियो । तर कोरोनाको दोस्रो लहरले गर्दा विवाहको मुख्य सिजनमै पार्टी प्यालेस फेरि बन्द गर्नुपर्ने अवस्था आएको छ ।  

मन्त्रिपरिषद्को सोमबार बसेको बैठकले पार्टी प्यालेसहरू बन्द गर्ने निर्णय गरेसँगै विवाह, ब्रतबन्ध लगायत कार्यक्रममा २५ जनाभन्दा बढीलाई सहभागी हुन रोक लगाएको छ । २५ जनाभन्दा बढी सहभागी नहुने गरी पार्टी प्यालेस प्रयोग गर्नु परेमा जिल्ला प्रशासन कार्यालयको अनुमति लिनुपर्नेछ ।

गत वर्ष पनि विवाह, वर्तबन्ध, तीज, दशैं जस्ता समयमा हुने कार्यक्रमको आम्दानी गुमाएका पार्टी प्यालेस व्यवसायीहरुलाई फेरि दोस्रो लहरको महामारीले अर्को ठुलो धक्का दिएको छ ।