मंगलवार १४ बैशाख, २०७८
वैशाख १४, काठमाडौं । नेपाललाई ट्रान्जिट बनाएर तेस्रो मुलुकमा जान विदेशी नागरिकलाई सरकारले रोक लगाएको छ ।
त्रिभुवन विमानस्थलबाट तेस्रो मुलुक जान नेपाल आउन र त्रिभुवन विमानस्थललाई ट्रान्जिटका रुपमा मात्र प्रयोग गरी अन्य गन्तव्यमा यात्रा गर्न रोक लगाएको अध्यागमन विभागले एक सूचना प्रकाशित गर्दै जनाएको छ ।
पछिल्लो समय भारतबाट ठूलो संख्यामा आएका भारतीय नागरिक नेपाल हुँदै खाडी मुलुक तथा साउदीमा उडिरहेका छन् ।
यो नियम १५ वैशाखबाट लागु हुने विभागका निर्देशक झंकनाथ ढकालले बताए । विदेशबाट नेपाललाई अन्तिम गन्तव्य बनाएर आउने र नेपालबाट विदेश जाने भने रोक लगाइएको छैन ।
