जेठ २५ देखि २९ गतेसम्म काठमाडौंमा चिनियाँ खोप लगाइने

सोमबार २४ जेष्ठ, २०७८ विचारवाटिका 2317

जेठ २४, काठमाडौं । चीनबाट ल्याइएको चिनियाँ भेरोसेल खोपको पहिलो मात्रा काठमाडौं महानगरपालिकाले ५ दिनसम्म लगाउने भएको छ । ६० देखि ६४ वर्ष उमेर समूहका व्यक्तिलाई मंगलबारबाट सुरु हुने खोप अभियानमा समेटिने छ ।

महानगरपालिकाले तयार पारेको कार्यतालिका अनुसार जेठ २५ गते ६४ वर्ष उमेर समूहकालाई मात्रै खोप दिइनेछ । २९ गतेसम्म चल्ने खोप अभियानमा हरेक दिन फरक फरक उमेर समूहका व्यक्तिलाई खोप दिइने महानगरपालिकाले जनाएको छ ।

महानगरपालिकाका शहरी स्वास्थ्य विभाग प्रमुख हरिबहादुर कुँवरका अनुसार २६ गते ६३ वर्षका, २७ गते ६२ वर्षका, २८ गते ६१ वर्षका र अन्तिम दिन अर्थात् २९ गते ६० वर्ष उमेरका व्यक्तिलाई खोप लगाउने तयारी गरिएको छ ।

खोप लगाउने केन्द्र भने सोमबार तय गर्ने जानकारी कुँवरले
दिए । अधिकांश केन्द्रहरु पुरानै भए पनि एक/दुईवटा केन्द्र भने फरक हुने कुँवरले बताए ।