फागुन १० काठमाडौं , मतदाताको परिचयपत्र हराएर बनाउनुपर्ने भएमा वडा कार्यालयको सिफारिस चाहिने भएको छ ।

निर्वाचन आयोगले आज सूचना जारी गरी मतदाताको परिचय पत्र पुनः बनाउनुपरेमा वडा कार्यालयको सिफारिससहित प्रदेश निर्वाचन कार्यालय र जिल्ला निर्वाचन कार्यालयमा निवेदन दिन सकिने जनाएको छ ।

यस्तो निवेदन मतदाता स्वयं उपस्थित भएर वा इमेल, फ्याक्स वा अन्य विधिबाट पनि दिन सकिने आयोगका सहायक प्रवक्ता सूर्यप्रसाद अर्यालले बताएका छन् ।