बैशाख १७ काठमाडौं, जिम्बाब्बे ए टिमविरुद्ध भोलि सुरु हुने टी–२० श्रृङ्खलाका लागि नेपाली टोलीको घोषणा भएको छ ।

नेपाल र जिम्बावे ए बीच तीन खेलको श्रृङ्खला अन्तर्गत पहिलो खेल आइतबार हुनेछ । आज सन्दीप लामिछानेको कप्तानीमा १७ सदस्यीय टोलीको नेपाल क्रिकेट संघ (क्यान)ले घोषणा गरेको छ । 

नेपाली टोलीमा कप्तान सन्दीप लामिछानेसँगै आसिफ शेख, रोहित पौडेल, दीपेन्द्र सिंह ऐरी, आरिफ सेख, आदिल अन्सारी, करण केसी, सोमपाल कामी, कुशल भुर्तेल, अविनाश बोहरा, सागर ढकाल, सहाब आलम, किशोर महतो, विवेक यादव, बसिर अहमद, लोकेश बम र भीम सार्की रहेका छन् ।