आईतवार २९ श्रावण, २०७९
साउन २९ काठमाण्डांै, राष्ट्रपति विद्यादेवी भण्डारीले नागरिकता विधेयक प्रतिनिधि सभामा फिर्ता पठाउनुभएको छ । राष्ट्रपति भण्डारीले नागरिकता विधेयकमा केही पुनर्विचार गर्न आवश्यक भएको भन्दै विधेयक सभामा फिर्ता गर्नुभएको विज्ञप्तिमा उल्लेख गरिएको छ ।
संसदीय समितिले पास गरेर विधेयकलाई प्रतिनिधिसभामा पठाएको थियो । प्रतिनिधि सभाले राष्ट्रिय सभामा पठाएको विधेयक राष्ट्रियसभाबाट पनि पारित भएपछि सभामुख अग्नि प्रसाद सापकोटाले प्रमाणित गरेर राष्ट्रपतिकहाँ पठाउनुभएको थियो ।
छलफलका क्रममा सत्तारूढ दलले नागरिकता विधेयकको खुलेर स्वागत गरेपनि नेकपा एमालेले भने खुलेर समर्थन पनि गरेको थिएन, खुलेर विरोध पनि गरेको थिएन । नागरिकता विधेयक संसदले पास गरेसँगै नागरिकता पाउनबाट वञ्चित भएका नागरिक नागरिकता पाउने आशामा थिए ।