नेकपा एमालेले मध्यपहाडी लोकमार्ग केन्द्रित विशेष अभियान अन्तर्गत आज चौथो दिनको यात्रा पूरा गरेका छन् ।

’झुलाघाट–चिवाभञ्ज्याङ समृद्धिका लागि संकल्प यात्रा’ अभियानको चौथो दिन अछामको मंगलसेनबाट सुरु भएको यात्रा कर्णाली प्रदेशको दैलेख जिल्लास्थित दैलेख बजार पुगेर सकिएको छ ।

अध्यक्ष केपी ओली नेतृत्वको एमालेको टोली हिजो बिहान अछामको मंगलसेनबाट गौरीटाँड हुँदै दैलेख प्रवेश गरेको थियो । स्वागत गर्नका लागि ठूलो संख्यामा स्थानीय जनता उपस्थित भएका थिए ।

 अध्यक्ष ओलीसहितका नेताहरुले दैलेखको राकममा आयोजित जनसभालाई सम्बोधन गरेका हुन् ।