असाेज १ काठमाडौं ,कोल्हवी डटकमका सम्पादक अशेष ढुंगानामाथि भएको आक्रमणको  घटनाप्रति नेपाल पत्रकार महासंघको ध्यानाकर्षण भएको जनाएको छ । 
गत भदौ २४ गते जेन–जी समूहले बाराको कोल्हवीमा गरेको प्रदर्शनको समाचार संकलन गर्न पुगेका पत्रकार ढुंगानालाई आन्दोलनकारीले आक्रमण गरेको महासंघ बारा शाखाले जनाएको भन्दै महासचिव रामप्रसाद दाहालले आक्रमणको भर्त्सना गरेका छन् । 
जनतालाई सुसूचित गर्ने कार्यमा खटिएको पत्रकारको पेसाको सम्मान गर्न पनि महासचिव दाहालले आग्रह गर्दै घटनामा संलग्नमाथि कानुनी कारबाही गर्न समेत सम्बद्ध निकायसँग महासंघले माग गरेको छ ।