टिकटक तथा फेसबुक मातहतको इन्स्टेन्ट मेसेजि एप ह्वाट्सएप लगायतलाई पछाडि पार्दै क्लाउड बेस्ड मेसेजि एप टेलिग्राम विश्वमा सबैभन्दा धेरै डाउनलोड हुने एप बनेको छ ।

नन गेमिङ एपतर्फ टेलिग्राम चालु वर्ष सन् २०२१ को जनवरी महिनामा पहिलो नम्बरमा उक्लिएको हो ।

जनवरी महिनामा टेलिग्राम एप विश्वमा ६ करोड ३० लाख पटक डाउनलोड भएको सेन्सर टावरको पछिल्लो तथ्यांक अनुसार बताइएको छ ।

जनवरी २०२० मा भन्दा गत महिना टेलिग्राम एप ३.८ गुणा बढी डाउनलोड भएको छ ।

जनवरी महिनामा धेरै डाउनलोड हुने एप टेलिग्राम पछि दोश्रो स्थानमा टिकटक रहेको छ भने तेश्रो स्थानमा सिग्नल रहेको छ ।

त्यसैगरी फेसबुक भने चौथो स्थानमा परेको छ । ह्वाट्सएपको स्थानमा धेरै गिरावट आएको छ र सर्वाधिक डाउनलोड हुने एपको सूचीमा पाँचौँ स्थानमा झरेको छ ।

त्यसैगरी सर्वाधिक डाउनलोड हुने नन गेमिङ एपको छैटौँ स्थानमा इन्स्टाग्राम, सातौँ स्थानमा जूम, आठौँमा एम एक्स टाका टाक, नबौँमा स्नापच्याट र दशौँ स्थानमा फेसबुक मेसेन्जर रहेको छ ।