बुधबार १४ आश्विन, २०७७ (Wednesday September 30, 2020)

राष्ट्रियसभामा जाने वामदेवको इच्छा

मंगलवार १६ भाद्र, २०७७ विचारबाटिका 1259

भदौ १६, काठमाडौं । नेपाल कम्युनिष्ट पार्टी (नेकपा) का उपाध्यक्ष वामदेव गौतमले राष्ट्रियसभा सदस्य बन्ने इच्छा जाहेर गर्नुभएको छ । यसअघि प्रधानमन्त्री बन्न पाउने भएमात्रै राष्ट्रियसभा सदस्य बन्ने बताउँदै आउनु भएका गौतम पछिल्लो समय संसदीय क्षेत्रमा आफू किनारामा परेको महसुस गर्दै राष्ट्रियसभा सदस्य बन्ने इच्छा जाहेर गर्नुभएको हो । 

यतिबेला राष्ट्रियसभामा एकसिट खाली छ । मन्त्रीपरिषदको सिफारिसमा राष्ट्रपति विद्यादेवी भण्डारीले मनोनित गर्ने एक पद खाली भएको स्थानमा आफूलाई मनोनित गर्नुपर्ने भन्दै प्रधानमन्त्री ओलीलाई गौतमले आग्रह गरेको समाचार छ । यसअघि अर्थमन्त्री युवराज खतिवडा सदस्य रहेको सो पद उनको दुई वर्षे कार्यकाल सकिएसँगै गत फागुन २० गतेबाट रिक्त रहेको छ । 

उक्त पद रिक्त भएकै बेलामा प्रधानमन्त्री केपी शर्मा ओलीले अर्थमन्त्री खतिवडालाई नियुक्ति गर्ने चाहना राखेको भएपनि नेकपाभित्र त्यतिबेला देखिएको चरम अन्तरसंघर्षका कारण नियुक्ति गर्न सम्भव भएन । नेकपाभित्रको अन्तरसंघर्ष उत्कर्षमा पुगेका बेला पार्टीले भने गौतमलाई राष्ट्रियसभा सदस्यमा मनोनित गर्ने निर्णय गरेको थियो । तर तत्काल सो निर्णय कार्यान्वयन हुन सकेको थिएन । 

यतिबेला गौतमले राष्ट्रियसभा सदस्यमा मनोनित हुने इच्छा जाहेर गर्नु र अर्थमन्त्री युवराज खतिवडाको सांसदविना नै छ महिने मन्त्रीपद समेत भदौ २० गते समाप्त हुने दिन पुग्नै लागेको बेला गौतम वा खतिवडा कसलाई मनोनित गरिने हो, त्यो भने केही दिनमा नै थाहा हुनेछ ।




यसमा तपाइको मत


सम्बन्धित शीर्षकहरु