चैत २२, काठमाडौं । गोर्खा घर भई हाल चितवन बस्दै आएकी ६ वर्षीय स्टेसी आले मगरले अन्तर्राष्ट्रिय खुल्ला मगर एकल अनलाईन नृत्य प्रतियोगिताको उपाधी हात पारेकी छिन् । 

७ चैतबाट सुरु भएको यो प्रतियोगितामा स्टेसीको अभिनयसहितको नृत्यले दर्शकको मन जितेको हो ।

मगर परिवार नेपाल (एमपीएन) ले आयोजना गरेको प्रतियागितामा भोजपुरकी कृषा राना मगर द्वितीय,  बाग्लुङकी शिवानी थापा मगर तृतीय र म्याग्दीकी शिक्षा गर्बुजा मगरले सान्त्वना पुरस्कार हात पारेका छन् ।

४९ जना प्रतियोगिहरु प्रतियोगितामा सहभागी भएको आयोजनकले जनाएको छ । फेसबुक लाईक बाट ४० अंक र निर्णायकहरूको मुल्यांकनबाट ६० अंक प्रतियोगिहरुलाई दिइएको थियो । फेसबुक र जुम लाईभबाट नतिजा सार्वजनिक गरिएको हो । 

मगर परिवार नेपालले ‘मगरहरूको कला र प्रतिभालाई प्रोत्साहन गर्ने, भेषभुषा, भाषा, संस्कार, सांस्कृति, संरक्षण गर्ने हाम्रो अभियान’ भन्ने उद्देश्यले एकल मगर अनलाईन नृत्य प्रतियोगिता आयोजना गरेको थियो ।

प्रतियोगितामा प्रथम हुनेलाई एक लाख नगद र सम्मानपत्र, दोस्रो हुनेलाई ५० हजार र सम्मानपत्र, तृतीय हुनेलाई ३० हजार र सम्मानपत्र तथा सान्त्वना स्थान प्राप्त गर्नेलाई  २० हजार र सम्मानपत्र प्रदान गरिएको छ ।