सिटी मार्केटका पसल काठमाडौं महानगरले गर्यो सिल

बिहीबार २ बैशाख, २०७८ विचारवाटिका 3086

वैशाख २, काठमाडौं । पुरानो बसपार्कमा रहेको सिटी मार्केटका पसलहरु काठमाडौं महानगरपालिकाले बन्द गरेको छ ।

७–८ वर्षदेखि व्यवसायीहरुले सम्झौताविना नै महानगरको स्वामित्वको भवनमा बसेको भन्दै महानगरपालिकाले पसलहरु बलपूर्वक बन्द गरेर सिल गरेको हो ।

महानगरको भवनमा विना सम्झौता नबस्न पटक–पटक आग्रह गरेको महानगरपालिकाले बताएको छ । तर, सटर खाली गर्न एक हप्तामात्रै समय दिएको भन्दै व्यवसायीले विरोध जनाएका थिए ।

सटरको भाडाको लागि भएको सम्झौताको म्याद सकिएको र त्यस भवनलाई महानगरले नयाँ तरिकाले उपयोग गर्ने योजना बनाएकाले व्यापारीलाई हटाउन लागिएको प्रमुख प्रशासकीय अधिकृत राजेश्वर ज्ञवालीले बताए ।